Assignment Money & Banking ( 1 )
ជំពូក ១
សេចក្តីផ្តើម
១.១ លំនាំនៃការស្រាវជ្រាវ
នៅពេលបច្ចុប្បន្ននាបណ្តាប្រទេសមួយទៅប្រទេសមួយ
នៅសកលលោកមិនថាប្រទេសកំពុងអភិវឌ្ឍន៍នោះទេ
បែបបទនៃការគ្រប់គ្រងសេដ្ឋកិច្ចតែងតែមានការគ្រប់គ្រងខុសៗគ្នាទាំងអស់។ ការគ្រប់គ្រងហិរញ្ញវត្ថុក៏ជាកត្តាមួយដ៏សំខាន់ ក្នុងការអភិវឌ្ឍន៍ប្រទេសឲ្យមានការរីកចំរើនដែរ។
ចំពោះប្រទេសកម្ពុជាក៏មានការជំហានរីកចំរើនគួរឲ្យកត់សំគាល់ដែរ នៅលើគ្រប់វិស័យក្នុងរយៈពេលប៉ុន្មានឆ្នាំថ្មីៗនេះ និងបានរៀបចំខ្លួនរួចជាស្រេចដើម្បីបំពេញតួនាទីរបស់ខ្លួនក្នុងតំបន់ក៏ដូចជាសហគមន៍ប្រទេសជាតិ។
ក៏ដូចជាវិស័យហិរញ្ញវត្ថុផងដែរ ដែលបានរីកចំរើនគួរកត់សំគាល់។បច្ចុប្បន្ននេះកម្ពុជាបានលូតលាស់យ៉ាងច្រើនក្នុងនោះរួមមានការអភិវឌ្ឍន៍របស់ធនាគារដែរ ធនាគារគឺស្ថិតនៅក្នុងភាពផ្លាស់ប្តូរមួយពីព្រោះរដ្ឋាភិបាលនៃបណ្តាប្រទេសជាច្រើនកំពុងស្វែងរកមធ្យោបាយដើម្បីធ្វើឲ្យមានប្រសិទ្ធភាពសេដ្ឋកិច្ច
និងបែងចែកធនធានធម្មជាតិឲ្យបានប្រសើរ ។
អ្នកធ្វើគោលនយោបាយសេដ្ឋកិច្ចជាច្រើនកំពុងតែផ្លាស់ប្តូរសេដ្ឋកិច្ចរបស់ខ្លួនទៅកាន់ការប្រកួតប្រជែងបែបប្រព័ន្ធសេដ្ឋកិច្ចបើកចំហរ
និងទីផ្សារផែនការ។ ធនាគារវិនិយោគិនទាំងនោះទទួលបាននូវប្រសិទ្ធភាព
និងដំណើរការទៅតាមផ្លូវច្បាប់។ ច្បាប់ស្តីពីគណនេយ្យសហគ្រាស វិជ្ជាជីវៈគណនេយ្យ
និងសវនកម្មត្រូវបានដាក់ឲ្យប្រើប្រាស់នៅក្រោមការទទួលខុសត្រូវរបស់ក្រសួងសេដ្ឋកិច្ច
និងហិរញ្ញវត្ថុ ហើយក្រុមប្រឹក្សាជាតិគណនេយ្យ
ត្រូវបានបង្កើតឡើងដើម្បីកំណត់ស្តង់ដាគណនេយ្យ និងសវនកម្ម។ បច្ចុប្បន្នជាសម័យសេរីភាវូបនីយកម្ម និងការប្រកួតប្រជែង
វានាំមកនូវអត្ថប្រយោជន៍សេដ្ឋកិច្ចដ៏សំខាន់នៅក្នុងបរិបទទ្រទ្រង់ការអភិវឌ្ឍន៍វិស័យហិរញ្ញវត្ថុ និងធនាគារ។
ដូចនេះចំពោះអាជីវកម្មធនាគារត្រូវមានការត្រួតពិនិត្យបន្ថែមទៀតពីធនាគារជាតិនៃកម្ពុជាដែលជា
អាណាព្យាបាលប្រព័ន្ធធនាគារ ក្នុងគោបំណងឲ្យប្រព័ន្ធធនាគារមួយដែលមានសុវត្ថិភាព
សម្ថភាព និងប្រសិទ្ធភាព
ទាំងនេះជាកត្តាសំខាន់យ៉ាងខ្លាំងក្នុងការគាំទ្រដល់ការអភិវឌ្ឍន៍ហិរញ្ញវត្ថុនិងធនាគារ
។ ធនាគារដែលគ្មានសុវត្ថិភាពអាចនាំឲ្យមានវិបត្តិហិរញ្ញវត្ថុជាប្រព័ន្ធ
ការដួលរលំសេដ្ឋកិច្ច និងការខាតបង់សេដ្ឋកិច្ច។ ទន្ទឹមនិងនេះដែរ
ធនាគារជាតិនៃកម្ពុជាក៏ទាមទារឲ្យ
ធនាគារពាណិជ្ជទាំងអស់ត្រូវតែបង្កើតសវនកម្មផ្ទៃក្នុង
និងចាំបាច់ត្រូវមានសេវាសវនកម្មផ្ទៃក្រៅដែលមានលក្ខណៈឯករាជ្យដើម្បីធ្វើការអះអាងលើរបាយការណ៍ហិរញ្ញវត្ថុដែលទទូលស្គាល់ដោយសារធារណៈជន។
១.២ ចំណោទបញ្ហានៃការស្រាវជា្រវ
ដូចដែលដឹងរួចមកហើយថា ការគ្រប់គ្រងហិរញ្ញវត្ថុ
មានសារៈសំខាន់ក្នុងប្រព័ន្ធសេដ្ឋកិច្ច ដូចនេះទើបបង្កើតឲ្យមានស្ថាប័នហិរញ្ញវត្ថុ
ក្នុងការទទួលប្រាក់បញ្ញើរ ប្រាក់កម្ចី ឥណទាន សំរាប់ការធ្វើអាជីវកម្ម ការវិនិយោគ និងការរកស៊ី
។ ក្នុងការកកើតស្ថាប័នហិរញ្ញវត្ថុគេបានសិក្សារួចមកហើយថា ៖
មូលហេតុអ្វីបានជាត្រូវបង្កើតស្ថាប័នហិរញ្ញវត្ថុ ? តើស្ថាប័នហិរញ្ញវត្ថុមានសារៈសំខាន់អ្វីខ្លះក្នុងការអភិវឌ្ឍន៍សេដ្ឋកិច្ច
? តើស្ថាប័នហិរញ្ញវត្ថុមានមុខងារ និង តូនាទីអ្វីខ្លះ ?
១.៣
គោលបំណងនៃការស្រាវជ្រាវ
គោលបំណងក្នុងការសិក្សាស្រាវជ្រាវលើនេះ គឺដើម្បីឲ្យយើងស្វែងយល់
និងយល់ដឹងពីស្ថាប័នហិរញ្ញវត្ថុនៅប្រទេសកម្ពុជា ។ ដើម្បីឲ្យដឹងពីការកកើតនៃធនាគារ
យល់ដឹងពីប្រព័ន្ធគ្រប់គ្រងរបស់ធនាគារពាណិជ្ជ និង ការរៀបចំផែនការយុទ្ធសាស្រ្ត
និងចេះស្វែងយល់អំពីដំណើរការនិងការប្រព្រឹត្តទៅរបស់ធនាគារជាតិ
និងបណ្តាគ្រឹះស្ថានហិរញ្ញវត្ថុដែលកំពុងចរាចរនៅក្នុងប្រទេសកម្ពុជា។អាចឲ្យយល់បន្ថែមនូវប្រវត្តិរបស់ធនាគារ
ទស្សនៈវិស័យ បេសកកម្មរបស់ធនាគារ រចនាសម្ព័ន្ធរបស់ធនាគារ ផលិតផល និងសេវាកម្មរបស់ធនាគារ និង
របាយការណ៍ហិរញ្ញវត្ថុរបស់ធនាគារ មួយចំនួននៅកម្ពុជា។
១.៤
ទំហំ និងដែកំណត់នៃការស្រាវជ្រាវ
ការសិក្សាស្រាវជ្រាវនេះផ្តោតសំខាន់ទៅលើស្ថាប័នហិរញ្ញវត្ថុនៅកម្ពុជា
សំរាប់ធនាគារដែលបានយកមកសិក្សា គឺធនាគារ អេស៊ីលីដា ភីអិលស៊ី ។
ការសិក្សាស្រាវជ្រាវនេះ
ផ្តោតទៅលើចំនុចមួយចំនួនដូចខាងក្រោម ៖
Ø
ប្រវត្តិរបស់ធនាគារ
Ø
ទស្សនៈវិស័យ បេសកកម្មរបស់ធនាគារ
Ø
រចនាសម្ព័ន្ធរបស់ធនាគារ
Ø
ផលិតផល និង សេវាកម្មរបស់ធនាគារ
Ø
របាយការណ៍ហិរញ្ញវត្ថុរបស់ធនាគារ
Ø
ចំណុចខ្លាំង និងចំណុចខ្សោយ
១.៥
វិធីសាស្រ្តនៃការស្រាវជ្រាវ
ការសិក្សាស្រាវជ្រាវទាក់ទងនិងស្ថាប័នហិរញ្ញវត្ថុដែលជាផ្នែកមួយយ៉ាងសំខាន់ក្នុងការឲ្យយើងត្រូវយល់ដឹងពីធនាគារនៅក្នុងប្រទេសកម្ពុជា
ការលើកឡើងយកស្រាវជ្រាវនេះមិនមានការស៊ីជំរៅណាស់ណាទេ គឺគា្រន់តែផ្តោតទៅលើបញ្ហាខ្លះដែលទាក់ទងទៅនិងធនាគារ
ការស្វែងរកឯកសារមួយចំនួន និងទិន្ន័យមួយចំនួនដែលទាក់ទងនិងធនាគារ អេស៊ីលីដា ភីអិលស៊ី
ដើម្បីយកមកធ្វើការវិភាគនិង ស្វែងយល់ពី ប្រវត្តិរបស់ធនាគារ ទស្សនៈវិស័យ បេសកកម្មរបស់ធនាគារ
រចនាសម្ព័ន្ធរបស់ធនាគារ ផលិតផល
និងសេវាកម្មរបស់ធនាគារ និង របាយការណ៍ហិរញ្ញវត្ថុរបស់ធនាគារ ។
១.៦
រចនាសម្ព័ន្ធនៃការស្រាវជ្រាវ
ការសិក្សាស្រាវជ្រាវនេះចែកចេញជា
៥ ជំពូក ៖
·
ជំពូក១ :
សេចក្តីផ្តើម :
លំនាំនៃការស្រាវជ្រាវ ចំណោទបញ្ហានៃការស្រាវជ្រាវ គោលបំណងនៃការស្រាវជ្រាវ ទំហំនិងដែនកំណត់នៃការស្រាវជ្រាវ វិធីសាស្រ្តនៃការស្រាវជ្រាវ
រចនាសម្ព័ន្ធនៃការស្រាវជ្រាវ
។
·
ជំពូក២ : រំលឹកទ្រឹស្តី : និយមន័យ និងទ្រឹស្តីដែលពាក់ព័ន្ធនឹងប្រធានបទ លើកឡើងពីទ្រឹស្តី ឬទស្សនទានរបស់អ្នកប្រាជ្ញ ច្បាប់នៃការកកើតស្ថាប័នហិរញ្ញវត្ថុ ឬធនាគារ តួនាទីរបស់ធនាគារ មុខងាររបស់ធនាគារ ។
·
ជំពូក៣ : លទ្ធផលនៃការស្រាវជ្រាវ :
ប្រវត្តិរបស់ធនាគារ ទស្សនៈវិស័យ
បេសកកម្មរបស់ធនាគារ
រចនាសម្ព័ន្ធរបស់ធនាគារ ផលិតផល និង
សេវាកម្មរបស់ធនាគារ
របាយការណ៍ហិរញ្ញវត្ថុរបស់ធនាគារ ។
·
ជំពូក៤ : ពិភាក្សាពីចំណុចខ្លាំង
និងចំណុចខ្សោយ : ចំណុចខ្លាំង ចំណុចខ្សោយ ។
·
ជំពូក៥ : សេចក្តីសន្និដ្ឋាន និងអនុសាសន៍ : សេចក្តីសន្និដ្ឋាន ការផ្តល់អនុសាសន៍ ។